ՀՀ ՓԲ ՆԱԽԱԳԱՀԻ 17.01.2014Թ «ՎԱՐՉԱՐԱՐՈՒԹՅԱՆ ՈԼՈՐՏԻ ԻՐԱՎԱԿԱՆ ԽՆԴԻՐՆԵՐՆ ՈՒՍՈՒՄՆԱՍԻՐՈՂ ԱՇԽԱՏԱՆՔԱՅԻՆ ԽՈՒՄԲ ՁԵՎԱՎՈՐԵԼՈՒ ԵՎ ԱՇԽԱՏԱՆՔԱՅԻՆ ԽՄԲԻ ԳՈՐԾՈՒՆԵՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» N22-Լ ՈՐՈՇՈՒՄԸ
20.01.2014 19:05
Ղեկավարվելով «Փաստաբանության մասին» Հայաստանի Հանրապետության օրենքի 13-րդ հոդվածի 15-րդ կետի, ինչպես նաև Հայաստանի Հանրապետության փաստաբանների պալատի կանոնադրության 17.3-րդ կետի 27-րդ ենթակետի պահանջներով, հաշվի առնելով վարչարարության ոլորտում առկա բազմաթիվ խնդիրների ուսումնասիրման և հնարավոր լուծումների որոնման անհրաժեշտությունը,
Ո Ր Ո Շ Ե Ց Ի`
- Հաստատել «Վարչարարության ոլորտի իրավական խնդիրները ուսումնասիրող աշխատանքային խմբի գործունեության կարգը» համաձայն հավելվածի:
- Մեկ տարի ժամկետով ձևավորել վարչարարության ոլորտի իրավական խնդիրներն ուսումնասիրող աշխատանքային խումբ` փաստաբանների հետևյալ կազմով`
- Թաթուլ Խուդաթյան (արտոնագիր` 155),
- Վարդան Ջիլավյան (արտոնագիր` 453),
- Տիգրան Խուրշուդյան (արտոնագիր` 451),
- Անդրանիկ Վահանյան (արտոնագիր` 773),
- Մարիամ Ղուլյան (արտոնագիր` 573):
- ՀՀ փաստաբանների պալատի աշխատակազմի ղեկավարին` սույն որոշման մասին իրազեկել աշխատանքային խմբի անդամ փաստաբաններին:
ՀՀ փաստաբանների պալատի
նախագահ` Արա Զոհրաբյան
17 հունվար 2014թ.
թիվ 22-Լ
ք. Երևան
Հավելված
ՀՀ փաստաբանների պալատի նախագահ
Արա Զոհրաբյանի
17.01.2014թ. թիվ 22-Լ որոշման
ԿԱՐԳ
ՎԱՐՉԱՐԱՐՈՒԹՅԱՆ ՈԼՈՐՏԻ ԻՐԱՎԱԿԱՆ ԽՆԴԻՐՆԵՐՆ ՈՒՍՈՒՄՆԱՍԻՐՈՂ ԱՇԽԱՏԱՆՔԱՅԻՆ ԽՄԲԻ ԳՈՐԾՈՒՆԵՈՒԹՅԱՆ
1. Ընդհանուր դրույթներ
1.1 Սույն կարգով սահմանվում է վարչարարության ոլորտի իրավական խնդիրներն ուսումնասիրող աշխատանքային խմբի (այսուհետ` Աշխատանքային խումբ) ձևավորման, աշխատանքի կազմակերպման և կատարված ուսումնասիրությունների արդյունքների ամփոփման գործընթացը:
1.2 Աշխատանքային խմբի ձևավորման նպատակն է վարչական իրավունքի ոլորտում վարչարարության հետ կապված խնդիրների ուսումնասիրությունը, վարչական օրենսդրության բացերի վերհանումը, վարչական իրավախախտումների քննությանն առնչվող փաստաբանների բողոքների ուսումնասիրությունը և համակարգումը, օրենսդրական փոփոխությունների փաթեթների կազմումը և ներկայացումը ՀՀ փաստաբանների պալատին:
1.3 Աշխատանքային խումբը գործում է հասարակական հիմունքներով:
2. Աշխատանքային խմբի ձևավորման կարգը և կառուցվածքը
2.1 Աշխատանքային խմբի անդամներին նշանակում է ՀՀ փաստաբանների պալատի (այսուհետ` Պալատ) նախագահը` փաստաբանների կազմից մեկ տարի ժամկետով:
2.2 Աշխատանքային խումբը կազմված է 5 (հինգ) անդամներից:
2.3 Սույն կարգով սահմանված հաշվետվությունները ստորագրում են Աշխատանքային խմբի բոլոր անդամները:
3. Աշխատանքային խմբի գործունեության կազմակերպումը
3.1 Աշխատանքային խումբը`
- ուսումնասիրում է փաստաբանների փորձը վարչարարության ոլորտում` համակարգելով փաստաբանների դժգոհությունները.
- պարբերաբար ՀՀ փաստաբանների պալատի նախագահին ներկայացնում է կատարված աշխատանքների վերաբերյալ ամփոփ հաշվետվություններ.
3.2 Աշխատանքային խումբն իր գործունեությունը կազմակերպում է քննարկումների միջոցով, որոնք կարող են անցկացվել համատեղ հավաքի միջոցով կամ խմբի համար ընդունելի այլ ձևով։
3.3 Աշխատանքային խմբի կողմից անհհրաժեշտ հարցումները կատարվում է Պալատի անունից։
4.Եզրափակիչ դրույթներ
4.1 Սույն կարգն ուժի մեջ է մտնում ընդունման պահից:
4.2 Սույն կարգում փոփոխություններ և լրացումներ կարող են կատարվել Պալատի նախագահի որոշմամբ:
