Հայաստանի Հանրապետության փաստաբանների պալատի և Հայաստանի Հանրապետության ոստիկանության միջև 08.02.2012թ  ստորագրվել է համագործակցության մասին. փոխըմբռնման  հուշագիր:  Կողմերը  համագործակցում են  հետևյալ ուղղություններով. 

1 Օրենսդրական նախաձեռնություն - նորմատիվ իրավական ակտերի նախագծերի համատեղ մշակում և ներկայացում իրավասու մարմիններին: 

2 Արագ արձագանքման միջոցառումներ -  Ոստիկանության աշխատակիցների և փաստաբանների միջև` կապված նրանց մասնագիտական պարտականությունների կատարման հետ, որևէ խնդիր ծագելու դեպքում,  այդ խնդրի անհապաղ քննարկումը և օրենքի տառին համապատասխան լուծումը: 

3 Վարքագծի կանոնների պահպանման ապահովում -  ոստիկանների կամ փաստաբանների կողմից վարքագծի կանոնների խախտումների հայտնաբերումը, փոխադարձ իրազեկումը և պատասխանատվության ենթարկելու հարցի լուծումը.

4 Սեմինարներ և միջոցառումներ - անցկացվելիք միջոցառումների և/կամ սեմինարների մասին տեղեկատվության փոխանակում: Փոխադարձ դասընթացների վարմանը մասնակցություն:

5 Քննարկումներ - համատեղ քննարկումների (կլոր սեղաններ) կազմակերպում` իրավունքի կամ գործնական ոլորտում առաջացած խնդրահարույց և այլ հարցերի կապակցությամբ:

 Ինչպես նաև փոխադարձ հետաքրքրություն ներկայացնող այլ ուղղություններով:

Կողմերը ստեղծել են  հասարակական հիմունքներով գործող վեց անդամներից կազմված հանձնախումբ (այսուհետ` Հանձնախումբ), որը ձևավորվում է հետևյալ կերպ`  Ոստիկանության պետի հրամանով նշանակվում են Հանձնախմբի երեք անդամները` Ոստիկանության համակարգից, որոնցից մեկը Ոստիկանության համակարգող, Պալատի նախագահի որոշմամբ նշանակվում են Հանձնախմբի երեք անդամները` փաստաբանների կազմից, որոնցից մեկը Պալատի համակարգող:

Բեռնել Հուշագիրը

Հուշագրի շրջանակներում ստեղծված հանձնախմբի՝ Հայաստանի Հանրապետության փաստաբանների պալատը ներկայացնող անդամներն են՝ Կարապետ Աղաջանյանը, Գևորգ Մկրտչյանը և Գառնիկ Թուխտարյանը:

	Կարապետ Աղաջանյան  Հանձնաժողովի համակարգող  Փաստաբան
	Գևորգ Մկրտչյան Հանձնաժողովի անդամ Փաստաբան
	Գառնիկ Թուխտարյան Հանձնաժողովի անդամ Փաստաբան