ՀՀ ՓՊ ՆԱԽԱԳԱՀԻ 17.01.2014Թ «ՀՐԱՅՐ ՏԱՐԻԵԼԻ ՔԻՇՄԻՐՅԱՆԻ ԱՐՏՈՆԱԳԻՐԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» N21-Ա ՈՐՈՇՈՒՄԸ
20.01.2014 19:22
Ղեկավարվելով «Փաստաբանության մասին» Հայաստանի Հանրապետության օրենքի 36-րդ հոդվածի 1-ին մասի 3-րդ կետի և 2-րդ մասի պահանջներով,
հաշվի առնելով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի աշխատակազմի ղեկավարի 28.12.2013թ. գրությունը (մուտքի համար 4, 13.01.2014թ.), որի համաձայն 16.12.2013թ. օրինական ուժ ստացած թիվ ԵԱՔԴ 0142/01/12 դատավճռով ՀՀ փաստաբանների պալատի (այսուհետ` Պալատ) փաստաբան Հրայր Տարիելի Քիշմիրյանը մեղավոր է ճանաչվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 64-րդ հոդվածի կիրառմամբ նշանակվել է պատիժ 1 տարի 6 ամիս ժամկետով,
նկատի ունենալով «Փաստաբանության մասին» Հայաստանի Հանրապետության օրենքի 33-րդ հոդվածի պահանջն առ այն, որ անձը չի կարող լինել փաստաբան, եթե դատապարտվել է դիտավորությամբ կատարված հանցագործության համար և նրա դատվածությունը մարված կամ հանված չէ,
ի գիտություն ընդունելով այն, որ ՀՀ քրեական օրենսգրքի 178-րդ հոդվածով սահմանված խարդախության հանցակազմը բնորոշվում է որպես խաբեության կամ վստահությունը չարաշահելու եղանակով ուրիշի գույքի զգալի չափերով հափշտակությունը կամ ուրիշի գույքի նկատմամբ իրավունք ձեռք բերելը, ինչն իր հերթին դասվում է դիտավորությամբ կատարվող հանցագործությունների շարքին,
հաշվի առնելով, այն որ սույն որոշման կայացման պահին Հրայր Քիշմիրյանի դատվածությունը սահմանված կարգով հանված կամ մարված չէ (հիմք ՀՀ քրեական օրենսգրքի 84-րդ հոդված),
Ո Ր Ո Շ Ե Ց Ի`
1. Դադարեցնել Հրայր Քիշմիրյանի փաստաբանական գործունեության թիվ 946 արտոնագրի գործողությունը` այն ճանաչելով ուժը կորցրած:
2. Հրայր Քիշմիրյանին հանել Պալատի փաստաբանների ցուցակից:
3. Պալատի աշխատակազմի ղեկավարին՝ սույն որոշման օրինակն ուղարկել Հրայր Քիշմիրյանին:
Սույն որոշումը կարող է բողոքարկվել դատական կարգով մեկամսյա ժամկետում:
ՀՀ փաստաբանների պալատի
նախագահ` Արա Զոհրաբյան
17 հունվար 2014թ.
թիվ 21-Ա
ք. Երևան
