Մարտի 9-ին տեղի ունեցավ Հայաստանի Հանրապետության փաստաբանների պալատի խորհրդի՝  գործադիր և կարգապահական վարույթ իրականացնող մարմնի, տասներկու անդամների վարկանիշային կարգով ընտրություններ:

Խորհրդի անդամի պաշտոնին հավակնող փաստաբանները 31-ն էին: Խորհրդի նախկին կազմից առաջադրվել էին 8 փաստաբան. Առուստամյան Մելանյան, Բաբայան Սիմոնը, Բաղդասարյան Նիկոլայը, Գյոզալյան Գևորգը, Զոհրաբյան Արան, Հակոբյան Ռուբեն, Մեժլումյան Կարենը և Սահակյան Լուսինեն: Նախկին կազմից չէին առաջադրվել Հայկ Ալումյանը և Հայաստան Ստեփանյանը, իսկ ինքնառաջադրված Կարինե Խաչատրյանը ներկայացրել էր հրաժարականի դիմում և վերջինիս գրանցումն ուժը կորցրած է ճանաչվել:

Ընտրություններին դիտորդական առաքելություն իրականացնելու համար հավատարմագրվել էին «Հայաստանի Հելսինկյան կոմիտե» ԻՀԿ-ն և Ամերիկյան իրավաբանների ընկերակցության CEELI Inc.-ի հայաստանյան ներկայացուցչությունը: 

Մարտի 9-ի առավոտյան ժամը 9:00-ին սկսվել և 17:00-ին ավարտվել են Խորհրդի անդամների ընտրությունները և անմիջապես քվեաթուփի ճեղքը փակվել ու կնքվել է Հաշվիչ հանձնաժողովի կնիքով: Հաշվիչ հանձնաժողովի նախագահը, դիտորդները և վստահված անձինք դրել են իրենց ստորագրությունները կնքված թղթի վրա:

 Գաղտնի քվեարկության արդյունքների ամփոփումն իրականացվել է դրա համար առանձնացված սենյակում, որտեղ ներկա գտնվելու և Հաշավիչ հանձնաժողովի աշխատանքներին հետևելու հնարավորություն և իրավունք են ունեցել դիտորդները և թեկնածուները (կամ յուրաքանչյուր թեկնածուի համար մեկ վստահված անձ):

Ամփոփման աշխատանքների արդյունքում Հաշվիչ հանձնաժողովը արձանագրել է, որ առավելագույն թվով ձայներ են ստացել և վարկանիշային կարգով ՀՀ փաստաբանների պալատի խորհրդի կազմում ընտրվել են հետևյալ 12 փաստաբանները.

1. Արա Զոհրաբյան  /533 ձայն/

2. Մելանյա Առուստամյան  /354 ձայն/

3. Կարեն Մեժլումյան  /348 ձայն/

4. Լուսինե Սահակյան  /342 ձայն/

5. Նիկոլայ Բաղդասարյան  /320 ձայն/

6. Ռուբեն Հակոբյան  /307 ձայն/

7. Երվանդ Վարոսյան  /305 ձայն/

8. Գևորգ Գյոզալյան  /300 ձայն/

9. Կարապետ Աղաջանյան  / 274 ձայն/

10. Լիպարիտ Սիմոնյան /262 ձայն/

11. Սիմոն Բաբայան  /253 ձայն/

12. Մարտուն Փանոսյան /246 ձայն/:

Շնորհավորում ենք  նորընտիր խորհրդի բոլոր անդամներին և մաղթում բեղմնավոր աշխատանք:

Կարինե Ղումաշյան

ՀՀ փաստաբանների պալատ