2024 թվականի սեպտեմբերի 5-ին Հայաստանի Հանրապետության փաստաբանների պալատում կայացել է քննարկում «Էթիկան արբիտրաժում. սկզբունքների և պրակտիկայի միջև հավասարակշռության պահպանում» թեմայով:

Ողջույնի խոսքով հանդես է եկել ՀՀ փաստաբանների պալատի աշխատակազմի ղեկավար Լուսինե Սարգսյանը:

Քննարկումը կազմակերպվել է «Հայաստանի արբիտրաժային շաբաթ 2024» միջոցառումների շարքի շրջանակում Հայաստանի Հանրապետության Փաստաբանների պալատի, «Օրենսդրության զարգացման կենտրոն» հիմնադրամի ու Արբիտրաժի և հաշտարարության հայաստանյան կենտրոնի կողմից:

Քննարկումը վարել են Իտալիայից ժամանած, Միլանի Բոկկոնի համալսարանի պրոֆեսոր Քեթրին Ռոջերսը և «Օրենսդրության զարգացման կենտրոն» հիմնադրամի տնօրենի տեղակալ Դավիթ Ղարիբյանը: