ՓԱՍՏԱԲԱՆՆԵՐԻ ՊԱԼԱՏՈՒՄ ՆՇՎԵՑ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՕՐԸ
31.05.2024 14:10
Հունիսի 1-ը Երեխաների պաշտպանության միջազգային օրն է: Ինչպես ամեն տարի, այս տարի ևս ՀՀ փաստաբանների պալատը նախատեսել էր գունագեղ միջոցառումներ՝ երեխաների օրը տոն դարձնելու համար:
Տոնական մթնոլորտը միավորել ու համախմբել էր Հայաստանի և Արցախի փաստաբանների երեխաներին: Նրանց համար կազմակերպվել էր խաղային, պարային և թղթային շոուներ, երաժշտական ծրագիր, քաղցր բամբակի շոու, դեմքի նկարազարդում, նվերներ հանձնում և հյուրասիրություն:
Միջոցառման ընթացքում նաև Հայաստանի ռազմական թաեքվանդոյի երեխաների ցուցադրական խումբը երեխաների համար հանդես եկավ ամենատարբեր մարտարվեստների շոուներով:
Ամփոփվել է նաև նախապես հայտարարված «ԻՄ ՀԱՅՐԵՆԻՔԸ» ստեղծագործական աշխատանքների մրցույթը:
Մրցութային կարգով առանձնացվել է երեք անվանակարգ․
«ԼԱՎԱԳՈՒՅՆ ՄԻՏՔ» անվանակարգում հաղթող է ճանաչվել Լուիզա Շահրամանյանը
«ԼԱՎԱԳՈՒՅՆ ՍՏԵՂԾԱԳՈՐԾԱԿԱՆ ՈՃ» անվանակարգում հաղթող է ճանաչվել Հրաչյա Գրիգորյանը
«ԼԱՎԱԳՈՒՅՆ ԲԱՌԱՊԱՇԱՐ» անվանակարգում հաղթող է ճանաչվել Արման Թադևոսյանը
Գեղեցիկ աշխատանքներ ներկայացնելու համար մյուս բոլոր մասնակիցները ևս պարգևատրվել են հավաստագրերով և նվերներով:
Տոնական օրը հագեցած էր պայծառ ժպիտներով ու վառ գույներով: Փաստաբանների պալատը և Փաստաբանական ակադեմիան փորձել էին ստեղծել այնպիսի մթնոլորտ, որ երեխաները միջոցառումներից հետո հեռանան բարձր տրամադրությամբ և գունեղ տպավորություններով:
Բեռնել
Վերադառնալ
