Հայաստանի Հանրապետության Փաստաբանների պալատը հյուրընկալել է Հայաստանում արդարադատության համակարգի ամրապնդման  ծրագրի «Էքսպերտիզ Ֆրանս» Ֆրանսիայի միջազգային փորձագիտության գործակալության ներկայացուցիչներ՝  դատարանների գնահատման գծով փորձագետ, CCPT-ի անդամ Վինսենթ Դեբլոյին և դատական վիճակագրության գծով փորձագետ Աննի Քենսին:

      Ողջույնի խոսքով հանդես եկավ Փաստաբանների պալատի նախագահի առաջին տեղակալ Արմեն Ասատրյանը՝ հյուրերին ներկայացնելով  Փաստաբանների պալատի , Հանրային պաշտպանի գրասենյակի և Փաստաբանական դպրոցի գործունեության առանձնահատկությունները:

       Միջազգային փորձագիտության գործակալության ներկայացուցիչները, շնորհակալություն հայտնելով  հյուրընկալության համար, նշեցին, որ իրենց այցը միտված է ԵՄ ֆինանսավորմամբ ՀՀ-ում արդարադատության ամրապնդման ծրագրի իրականացմանը, մասնավորապես՝   ՀՀ-ում դատարանների գնահատման նոր համակարգի ներդրմանը:

       Ծրագրի շահառուներն են Փաստաբանների պալատը, Արդարադատության նախարարությունը, Արդարադատության ակադեմիան, Դատախազությունը և իրավական ոլորտի այլ  կառույցներ:

      Դատարանների գնահատման գծով փորձագետ Վինսենթ Դեբլոն նշեց, որ ՀՀ-ում դատական համակարգի գնահատմանն ուղղված ծրագիրը նախաձեռնելիս, որպես օրինակ՝  ուսումնասիրվել է նաև Ֆրանսիայում, Իտալիայում և Ալբանիայում առկա փորձը :

      Հանդիպման ընթացքում կողմերը քննարկեցին նաև դատաիրավական ոլորտին առնչվող մի շարք այլ հարցեր: