ՀՀ  փաստաբանների   պալատում  Մոնպելիեյի փաստաբանների միության և Մոնպելիեի փաստաբանների միությանը կից գործող մարդու իրավունքների հաստատության միջև համագործակցության շրջանակներում տեղի է ունեցել սեմինար-քննարկում՝ «Փաստաբանի արտահայտվելու ազատությունը. սահմանափակումները և դերը արդար քննության շրջանակներում» խորագրով:

Բացման խոսքերով հանդես են եկել ՀՀ փաստաբանների պալատի նախագահ Արա Զոհրաբյանը և Մոնպելյեյի փաստաբանների միության նախագահ Ռեմի Լևին:

Քննարկմանը զեկուցումներով են հանդես եկել՝

• Մոնպելիեի փաստաբանների միության նախկին նախագահ - Լյուք Կիրքյաչարյանը  - անհատական մոտեցում և դեոնթոլոգիա,
• փաստաբան Ֆարիզա Թումին - Դեոնթոլոգիա. փաստաբանի արտահայտվելու ազատության սահմանափակումները դրսևորվող վարքագծի շրջանակներում,
• փաստաբան Կլեռ Մագուելոն Լեռոյ - հակասելու սկզբունքը,
• փաստաբան Սելին Վիլա - փաստաբանի արտահայտվելու ազատության սահամանափակումը քաղաքացիական դատավարության շրջանակում,
• փաստաբան Մարի-Պոլ Կանիզարես - փաստաբանի արտահայտվելու ազատության սահամանափակումը քրեական դատավարության շրջանակում, փաստաբան Ժան-Լուք Վինքել - պայմանագրային կոնսենսուս և արբիտրաժի այլընտրանք: 

Քննարկման ավարտից հետո հյուրերը շրջայց են կատարել Փաստաբանների պալատի, այդ թվում՝ Հանրային պաշտպանի գրասենյակի և փաստաբանական դպրոցի հարկաբաժիններում, ծանոթացել են  տեխնիկական պայմաններին և հնարավորություններին: