Միշա Փիլիպոսյանի հակիրճ աշխատանքային կենսագրությունը:
Միշա Հայկազի Փիլիպոսյանը ծնվել է 1938 թվականին Թալինի շրջանի Մաստարա գյուղում (Արագածոտնի մարզ):
Փաստաբանությամբ սկսել է զբաղվել ԵՊՀ իրավաբանական ֆակուլտետն ավարտելուց հետո՝ 1968 թվականից: 
1972 թվականին նշանակվել է Շահումյանի շրջանի իրավաբանական կոնսուլտացիայի վարիչ:
Պարբերաբար ընտրվել է ՀՀ փաստաբանների կոլեգիայի նախագահության անդամ:
1992-1996 թվականներին ընտրվել է Կոլեգիայի նախագահության նախագահի առաջին տեղակալ:
1996 թվականին ընտրվել է Կոլեգիայի նախագահության նախագահ:
Համահեղինակ է «ՀՀ փաստաբանական գործունեության մասին» ՀՀ առաջին օրենքին, որով էլ հետագայում ձևավորվել է Հայաստանի Հանրապետության փաստաբանների միությունը:
1999 թվականի մարտի 7-ին ՀՀ փաստաբանների միության հիմնադիր ժողովում ընտրվել է ՀՀՓՄ առաջին նախագահ:
1992-2012 թվականներին ընտրվել է փաստաբանների համագործակցության միջազգային միության փոխնախագահ՝ Հայաստանի Հանրապետությունից (Մոսկվա):
2003 թվականի մարտի 1-ին վերընտրվել է ՀՀՓՄ նախագահ՝ ձայների գերակշիռ մեծամասնությամբ:
2004 թվականի դեկտեմբերի 14-ին ՀՀ ազգային ժողովի կողմից ընդունվեց «Փաստաբանության մասին» ՀՀ նոր օրենքը, որի հիմքով պետք է ձևավորվեր փաստաբանների պալատը:
2005-2009 թվականներին ղեկավարել է ՀՀ փաստաբանների պալատի հանրային պաշտպանի գրասենյակը:
2009-2011 թվականներին աշխատել է ՀՊԳ-ում որպես փաստաբան: