Ունի շուրջ 5 տարվա աշխատանքային փորձ Legal Alliance իրավաբանական գրասենյակում  ստորև թվարկված ոլորտներում։ Նաև արտոնագրված մասնագետ է գնումների հարցերով։ Ատենախոսության թեման վերաբերում է ՀՀ-ում բարոյական վնասի ինստիտուտին՝ զրպարտությանը և վիրավորանքին։
Հանդիսանում է ՀՀ փաստաբանների պալատի ներկայացուցիչը Կոռուպցիայի կանխարգելման հանձնաժողովի ձևավորման նպատակով ստեղծված Մրցութային խորհրդում և կանգնած է ՀՀ-ում հակակոռուպցիոն օրենսդրական մի շարք ակտերի ներդրման ակունքներում։
Հանդիսանում է նաև Իրավաբանների հայկական ասոցիացիայի անդամ և Հայաստանի երիտասարդ իրավաբանների հայկական ասոցիացիայի հիմնադիր փոխնախագահ։ Դասախոսություններով է հանդես գալիս Երիտասարդ իրավաբանների պրակտիկ հմտությունների և Երիտասարդ առաջնորդների հակակոռուպցիոն դպրոցներում։ Մեկ տասնյակից ավել զեկույցների կամ այլ հրապարակումների հեղինակ կամ համահեղինակ է։
Ավարտել է Հայաստանում ֆրանսիական համալսարանի իրավաբանության ֆակուլտետը և Հայաստանի ամերիկյան համալսարանի իրավաբանության մագիստրատուրան։ Ներկայումս հայցորդ է Հայ-Ռուսական (սլավոնական) համալսարանում՝ Քաղաքացիական իրավունք և քաղաքացիական դատավարություն մասնագիտացմամբ։ Մասնակցել է տասնյակից ավելի մասնագիտական միջազգային վերապատրաստումների արտերկրում։