ՀՀ փաստաբանների պալատում շարունակվում են մշակութային և մարզական նախաձեռնությունները:

          Մարզամշակութային ակումբը 2022 թվականի ապրիլի  05-ին իրականացրեց մերձամարտի, ձեռնամարտի և մարտարվեստի սեմինար-մարզումներ։ Սեմինարն անցկացրեց Ռուսաստանի Դաշնությունից ժամանած ՌԴ և ՀՀ հատուկ ստորաբաժանումների բազմամյա փորձառու հրահանգիչ, մարտարվեստի և բանակային ձեռնամարտի  գիտակ՝ Արա Շահնազարյանը։

          Միջոցառմանը մասնակցեցին նաև փաստաբանների ընտանիքի անդամներ:

          Սեմինար-մարզումները նպատակ ունեին զարգացնելու տարբեր հմտություններ․

•   տարբեր իրավիճակներում ինքնապաշտպանվելու և մարտ վարելու հմտություն, մարտական մենամարտերի հնարների կիրառման տեխնիկա՝ մերձամարտ, ձեռնամարտ,
•   սառը զենքի՝ դանակ, հրաձգային զենքի՝ ատրճանակ, ինքնաձիգ  կիրառման հմտություն,
•  ֆիզիկական և հոգեբանական պատրաստվածության համար անհրաժեշտ առօրյա վարժություններ։

         ՀՀ փաստաբանների պալատի մարզամշակութային ակումբը նախատեսում է հիշյալ սեմինար-մարզումներն իրականացնել նաև  ս․թ․ ապրիլի 9-ին, որին մասնակցել ցանկացող փաստաբանները կարող են ներկայանալ առանց գրանցվելու: