Հանրային պաշտպանի գրասենյակը (կրճատ ՀՊԳ)  հիմնադրվել է Հայաստանի Հանրապետությունում  սոցիալապես անապահով խավերին օրենքով նախատեսված կարգով ու դեպքերում անվճար իրավաբանական օգնություն տրամադրելու համար։

     ՀՊԳ-ում աշխատող հանրային պաշտպանը փաստաբան է, որը գործում է գրասենյակի ղեկավարի ներկայացմամբ`  ՀՀ փաստաբանների պալատի նախագահի հետ կնքած աշխատանքային պայմանագրի հիման վրա։ Հանրային պաշտպանը վարձատրվում է պետական բյուջեից օրենքով սահմանված չափով և կարգով։

     Քրեական գործերով անվճար իրավաբանական օգնությունն իրականացվում է վարույթն իրականացվող մարմնի որոշման հիման վրա ՀՊԳ ղեկավարի կողմից հանրային պաշտպանի նշանակման միջոցով։  Քաղաքացիական, վարչական և սահմանադրական գործերով` անվճար իրավաբանական օգնությունը  տրամադրվում է քաղաքացիների դիմումների հիման վրա ՀՊԳ ղեկավար կողմից  օրենքով նախատեսված դեպքերում և կարգով։

    ՀՊԳ գրասենյակի գործունեության վերաբերյալ առավել մանրամասն կարող եք ծանոթանալ՝ այցելելով www.hpg.am կայքէջ:

ՀՊԳ ԱՇԽԱՏԱԿԱԶՄ
		Գևորգ Մկրտչյան ՀՊԳ ղեկավար Փաստաբան          010 600 714 #220
		Հրաչյա Առաքելյան  ՀՊԳ ղեկավարի առաջին տեղակալ Փաստաբան 010 600 714 #120
		Մարիամ Պետրոսյան  ՀՊԳ ղեկավարի տեղակալ Փաստաբան 010 600 714 #122
		Քրիստինե Հայրապետյան ՀՊԳ ղեկավարի ավագ օգնական 010 600 714 #221

   Հանրային պաշտպանների ցանկը տեսնելու համար այցելել հետևյալ հղմամբ՝ hpg.am

   Անվճար իրավաբանական օգնություն ստանալու իրավունք ունեցող անձանց ցանկը տեսնելու համար այցելել հետևյալ հղմամբ՝ hpg.am